Just Plain Coffee

Darkly brewed

Freshly extracted from the sacrificial beans
Drained to continual drip
Flowing through the filter

        Whispering…wake up!

The aroma in the salubrious air
Escaped recently from volcanic boil
Rising vapors over the earthen cup
Diminishing waves on the air-liquid interface

        Telling…wake up!

Strongly bitter, immaculately unsweetened
Black but not of macabre, no imminent horror
Shot of caffeine, satisfyingly addictive
For the yielding eyes challenged by drowsiness

Shouting…wake up!

Multo

Sa una’t sa sapul sa buhay ng tao

May multo nang laging nakagabay

Kasa-kasama, bitbit-bitbit

Parang butiking sa dingding nakadikit

Mula pagkabata hanggang pagtanda

Ang multo sa mga bata

Multong likha ng mga nakatatanda

“Tahan na kundi darating ang mga mumu”

“Nangunguha sila ng bata, tahan na”

Ang multong epektibo sa pagpapasunod ng mga bata

Ang multo sa mga dalaga’t binata

Multong minsang kinatatakutan

Ngayo’y kaya ng harapin at tapatan

Ng walang takot at kaba

Ang multong kahit hintayin, di dumarating

Ang multo ng mga matatanda

Multong sila mismo ang naghahanap at may gawa

Kaiba sa likha nilang multo para sa mga bata

Anak ng kasalanan, prutas ng puno ng sobrang yabang

Ang multong di madaling paalisin

Iba’t ibang anyo ng multo

Nakakatakot, mailap, bunga ng poot

Multong peke, multong totoo

Multong pansamantala, multong pangmatagalan

Ang multong sa mga tao sumisipsip ng buhay

DASAL

Ama

Papuri sa Inyo

Ikinagagalak ko

Na ang oras na ito

Ay isang komunikasyon sa Inyo

Ama

Maraming salamat

Sa mga umaapaw na biyaya

Ninyo sa akin araw-araw

Sa aking malusog na pamilya

At mga kaibigan

Salamat sa kahapon…

Ngayon…

Bukas…

Kahit na ang kahapon

Ay isang eksenang

Punong-puno ng hapis

Hapis ng sugatang puso

Pusong walang tigil magmahal

Pagmamahal na walang patutunguhan

Kahit na ang ngayon

Ay panahon lamang ng paghilom

Ng isang puso

Pusong napapagod din pala

Napapagod at nagdedeliryo

Parang mamatay na

Kahit na ang bukas

Na may kasiguruhan

Na ang pusong kahapon na nasaktan

Na ngayon ay naghihilom

Ay magmamahal muli

Naku! Pusong di natuto

Patuloy pa rin sa paghahanap

Ng sariling bangin

Ama

Maraming salamat

Dahil ang puso ay may sirkulo

Ang ikot

Magmamahal

Masasaktan

Maghihilom

At babalik na naman sa simula

Magmamahal

Masasaktan

Maghihilom

Ama

Maraming salamat

Na kahit ako ay di mapalad

Sa naturang sirkulo sa aking puso

At pagkatao

Ay nariyan pa rin kayo

Para sa akin

Sa buong sanlibutan

Hindi napapagod sa sirkulo

Ang sirkulo

Magmamahal

Masasaktan

Maghihilom

At iikot muli

Amen.

(Pebrero 23, 2007)